😡😡《中伏了！！》上次Si同好友參加左一個髮型產品既發佈會，大會送左張免費洗同剪既禮券，Si見髮型屋地段喺中環區夠方便而且四四正正，如果剪得好既都可以繼續幫襯！於是就同好友高高興興咁去剪番個靚頭！由於第一次去，Si都係諗住陪下好友同修少少就算。果日上到去，一坐低個髮型師已經不斷話Si既髮質差、顏色唔靚、枯黃⋯係咁遊說Si做treatment同買佢地既產品。不過Si隻耳仔一d都唔軟，想睇下剪出黎既效果滿唔滿意先，而且果日都趕時間，於是就婉拒左，髮型師就有d唔高興，不過Si無理，然後表示自己只係想修少少，唔想剪太多因為去到膊頭位會好「竅」，Si講左好多次，髮型師亦都話明，然後佢把剃刀一揮 - Si既頭髮就無左三吋！去到膊頭！！然後Si就呆左，同髮型師講剪到咁短咪會「竅」？？？不過髮型師只係話「咁你自己吹下佢囉，你又唔做treatment，係你髮質既問題！我介紹你果set洗頭水都好架！不過你都係唔會買架喇！」係，我係唔會買，你剪到我個頭散晒，我仲點信你呀😡如果唔想送禮券俾人，就唔好送嘛，唔通免費既就唔係客人？剪得好我係會番轉頭同介紹朋友架！不過依家一定唔會囉！好激氣！
Search